Shpëtim Idrizi, kryetar i PDIU-së, e ka cilësuar si një darkë të gabuar atë të Kryeministrit Edi Rama me homologun e tij grek, Mitsotakis, në Athinë.
Idrizi, i ftuar në emmisionin Open, tha se kjo darkë nuk mund të quhej e bukur, përsa kohë, Greqia mban ende ligjin e luftës në fuqi me Shqipërinë, nuk njeh Kosovën, dhe nuk pranon asnjë bisedim lidhur me Çamërinë.
“Është një darkë e gabuar, kaq mund të them. Si ka mundësi që nga shporta e problemeve që dy vendet kanë, Rama nxjerr vetëm atë të kufirit detar? Janë një seri çështjesh, madje Rama është kthyer në tezën e ish-Kryeministrit Sali Berisha, për dërgimin e çështjes në Gjykatën Ndërkombëtare.
Kushtetuesja rrëzoi marrëveshjen e parë për kufirin detar, atëherë çfarë marrëveshje do të çohet në Gjykatë Ndvrkombëtare?
Në Gjykatën Ndvrkombëtare mund të çohet çështja e shelfit apo ajo e zonës ekonomike, pasi marrëveshje për kufirin detar ka një vendim të Gjykatës Kushtetuese”, tha Idrizi.
