Presidenti Ilir Meta ka kujtuar 78-vjetorin e Konferencës së Pezës. Në një mesazh në rrjetet sociale, kreu i shtetit u bën apel shqiptarëve të lënë mënjanë ndasitë dhe të bashkohen “kundër një pushtimi të ri nga një sekt e një bandë oligarkësh që kanë uzurpuar institucionet dhe kanë marrë peng të ardhmen e çdo shqiptari dhe atë europiane të vendit tonë”.
Në postimin në FB, Meta shprehet:
Pezë do të thotë Shqipëria mbi të gjitha!
Pezë do të thotë bashkim, kushtrim dhe qëndresë, pa dallim feje, krahine dhe ideje në mbrojtje të interesit kombëtar.
Mesazhet që përcjell edhe sot, pas 78 vitesh, Konferenca e Pezës janë më aktuale se kurrë për të lënë mënjanë ndasitë e interesat afatshkurtra, dhe për t’u bashkuar kundër një pushtimi të ri nga një sekt e një bandë oligarkësh që kanë uzurpuar institucionet dhe kanë marrë peng të ardhmen e çdo shqiptari dhe atë europiane të vendit tonë.
Peza është një amanet: Besa-besë për të shpëtuar Shqipërinë!
O SOT, O KURRË!
DENONCO