Vaksinat kineze kundër Covid-19 mund të jenë të kapshme në nëntor

Vaksinat kundër koronavirusit të ri që po zhvillohen në Kinë mund të jenë të kapshme për opinionin në nëntor, deklaroi përfaqësuesja e Qendrës kineze për kontroll dhe parandalim të sëmundjeve (CDC).

Kina ka katër vaksina kundër Kovid-19 që janë në fazë përfundimtare të hulumtimit klinik, së paku tre prej tyre u janë ofruar shërbimeve më të ekspozuara.

“Faza e tretë po zhvillohet dhe vaksinat mund të jenë gati për opinionin në nëntor dhe në dhjetor”, deklaroi ekspertja për biosiguri në CDC, Guizhen Vu.

LEXO EDHE  Java e Evropës/Sanksionet e dështuara dhe një politikë rinisëse e migracionit

Ajo shtoi se nuk ka ndjerë kurrfarë simptome abnormale gjatë muajve të kaluar prej se ka marrë vaksinë eksperimentale në prill, pa e cekur vaksinën.

Kompania shtetërore farmaceutike kineze “Sinofarm” dhe “Sinovak bioteç” zhvillojnë tre vaksina në kuadër të programit shtetëror, përderisa të katërtën e zhvillon “KanSino bioloxhiks”, përdorimi i të cilës në armatën kineze ishte miratuar në qershor./MIA/