Miqësorja/ Tirana përmbys Vllazninë, blerja e re i jep fitoren bardhebluve

Tirana ka fituar 2-1 me përmbysje ndeshjen miqësore ndaj skuadrës së Vllaznisë. Takimi i luajtur në “Selman Stërmasi” ishte tepër i luftuar nga të dyja skuadrat të cilat kërkonin me ngulm fitoren.

Fillimisht kaluan në avantazh shkodranët me anë të  Ismael Dungës. Da Silva fitoi një penallti në minutën e 17-të dhe sulmuesi i ri nuk gaboi nga pika e bardhë.

Shifrat u baraspeshuan falë një autogoli të mbrojtësit të Vllaznisë, Isufi gjatë një dueli me sulmuesin Ernest Muçi.

LEXO EDHE  Merret vendimi për Gonzalez dhe Neymar pas akuzave homofobike dhe raciste!

Goli i fitores për bardheblutë u shënua nga sulmuesi Albion Avdiaj në minutën e 86-të. Vetëm disa sekonda i kanë mjaftuar sulmuesit pas futjes në lojë për të përmbysur rezultatin.

Pas asistit të Kale, ai nuk ka falur në afërsi të pikës së penalltisë. Kujtojmë që 26-vjeçari ishte përforcimi i kësaj vere për Tiranën i transferuar nga skuadra e Viborg.