Tirana humbi ditën e djeshme ndaj Apolonisë me rezultatin 0-2 në ndeshjen e zhvilluar në stadiumin “Selman Stërmasi”.
Të dy trajnerët provuan lojtarët e rinj të afruar këtë merkato, ndërsa te bardheblutë mungonte pjesa më e madhe e titullarëve.
Trajneri Egbo pas ndeshjes theksoi se rezultati në atë ndeshje nuk ishte prioritet për skuadrën e tij ku qëllimi ishte integrimi në skuadër i prurjeve të reja.
Klubi i Tiranës ka konfirmuar një tjetër miqësore kundër Vllaznisë, ndeshje që do të luhet ditën e martë në kryeqytet.
Orari përfundimtar ende nuk është vendosur, ndërsa besohet se dueli do të luhet në “Selman Stërmasi”, pa praninë e tifozëve prej situatës së Covid-19.
