Genci Balla i dënuar në burgun e Peqinit për rekrutim të besimtarëve për qëllime terroriste, i njohur si imami i vetëshpallur i “Unazës së Re”, i vendosur në regjimin “41 bis”, është transferuar me urgjencë në spitalin e burgut në gjendje të rëndë shëndetësore. Transferimi është bërë në QSUT.
Sipas drejtorit të Burgut të Peqinit Bukurosh Malluta, Ball asë bashku me shokër e tij kanë refuzuar ushqimin. Njëri prej shokëve të tij të qelisë ësht ënë gjendje të rëndë dhe sipas drejtorit malluta rrezikon të humbasë shikimin si pasojë e mosushqyerjes.
Balla është duke u trajtuar me serume, dhe vazhdon të mbajë të njëjtin qëndrim për refuzimin e ushqimit
Drejtori i burgut Bukurosh Malluta bën me dije se Balla ka refuzuar ushqimin pasi ka përbërje mishi.
Është shprehur se mishi që ai ha nuk është therur me bismilah dhe e konsideron gjynah që ta hajë.
Në shenjë solidariteti e kanë mbështetur edhe të burgosur të tjerë, por drejtori i burgut bën me dije se nuk është bërë asnjë kërkesë për grevë urie të paktën zyrtarisht. Genci Balla vuan dënimin prej 1 viti gjysëm në burgun e Peqinit, teksa 1 vit ka kryer në 313, 2 vite në 302 dhe 2 vite në Fushë-Krujë.Teksa i kanë mbetur edhe rreth 8.5 vite deri në përfundimin e dënimit.
Balla ndodhet në grevë urie pasi ka refuzuar regjimin “41 bis”. Ai akuzon drejtuesit e këtij burgu për keqtrajtim kryesisht me ushqimin.
40 vjeçari Balla së bashku me disa të dënuar të tjerë të vendosur në regjimin 41 bis ndodhen në grevë urie në shenjë revolte trajtimit të tyre nga ana e drejtuesve të burgut.
