Një në çdo njëqind pacient të shtruar në spital me Covid-19 vuajën nga mushkëritë e shpuara sipas studimit të ri të udhëhequr nga Universiteti i Kembrixhit duke komplikuar më tej trajtimin për ata që preken.
Simptomat e një pneumotoraksi ose ‘mushkëritë të shpuara’ përfshijnë gulçim dhe dhimbje të papritura therëse të gjoksit që përkeqësohen duke marrë frymë thellë gjatë kollitjes lidhur me Covid-19.
Një mushkëri e shpuar lejon që ajri të depërtojë dhe të bllokohet midis pjesës së jashtme të mushkërive dhe murit të gjoksit, duke çuar përfundimisht në kolapsin e organit nën presionin e akumuluar.
Studiuesit e Kembrixhit gjatë studimit përdorën të dhëna nga 16 spitalet dhe u konsultuan me kolegët në të gjithë Mbretërinë e Bashkuar të cilët raportuan gjetje të ngjashme.
“Ne filluam të shohim pacientë të prekur nga një mushkëri e shpuar, madje edhe në mesin e atyre që nuk u vendosën një ventilator”, thotë profesori Stefan Marciniak nga Instituti i Kërkimeve Mjekësore të Kembrixhit.
Sidoqoftë, edhe pacientët që nuk do të binin në kategoritë e lartpërmendura të rrezikut mund të vuajnë mushkëritë e çara paralajmëruan Marciniak, pasi shumë nga incidentet e mushkërive të shpuara u diagnostikuan “rastësisht”.
Pothuajse dy të tretat e pacientëve që pësuan një mushkëri të shpuar mbijetuan por studiuesit regjistruan vetëm një normë mbijetese prej 42 përqind për pacientët mbi 70 vjeç.
