Gjyqtarja Mimoza Margjeka, bashkëshortin e saj, Arben Cara dhe avokatin Skënder Demiraj, u arrestuan një ditë më parë me urdhër të SPAK.
Gazeta Panorama ka publikuar sot përgjimet, ku zbulohet e gjithë skema e korrupsionit.
Dosja ka të gjitha lëvizjet e gjyqtares, burrit të saj dhe avokatit Skënder Demiraj, të cilët kanë marrë nga familja Bali 6 mijë euro për të liruar një person, që trafikonte klandestinë.
Familja e Bali ka marrë 99% garanci nga avokati se djali i tyre, Orion Bali do të dilte nga burgu.
“Në datën 29.07.2020 ora 12:32 Nejtoni bisedon me të ëmën dhe sqaron se ka arritur 99% , në këtë formë 6 mijë euro ia ka dhënë atyre ta nxjerrin sot, duhen 5 mln lekë garanci pasurore. Ajo gjykata 5 mln lekë kur të mbarojkë çështja i tërhiqen mbrapsht. E kanë lënë 6 mijë, jo 7 e 500, nuk e ka prerë në besë. Në vijim bisedojnë me të ëmën se ku do ti gjejnë lekët e garancisë. Nejtoni i thotë se sot do i paguajnë lekët miqtë Skënderit dhe nesër duhet t’ia çojnë paratë ose mund të vijnë e ti marrin në Tiranë. Me eurot ka mbaruar punë, por do i japin leket shqiptare për garanci. Skënderi i ka thënë se 99% këtë pune e ka të mbaruar, pastaj nëse e hanë në llaf gjyqtaret do të kenë punë me të pasi i ka dhënë lekët që mbrëmë”
“Në datën 29.07.2020 ora 12:43 Skënderi komunikon me Klodin dhe i thotë nëse do e ndihmojnë për ato që i ka thënë në orën dy, dy e gjysmë. Klodi i përgjigjet që patjetër. Skënderi atëherë i bën me dije se t’i mbajë gati dhe t’i marrë vetë. Më datë 29.07.2020, Klodi komunikon me Albertin dhe e bën me dije se Skënderi do një pesçe shqiptare dhe do të shkojë t’i marrë tek një shoku i tij, por pyet se mos bën ndonjë karagjozllëk. Berti i thotë, t’i jap pa merak”, thuhet ndër të tjera në dosje.
Në një pjesë tjetër të përgjmit thuhet se “rreth orës 13:20, shtetasi Arben Cara është takuar me bashkëshorten e tij, shtetasen Mimoza Margjeka, dhe me ta ka qenë edhe një person i moshës rreth 60 vjeç. Pas disa minutash gjyqtarja është futur në Gjykatën e Apelit Korçë, ndërkohë që shtetasi Arben Cara dhe personi tjetër kanë qëndruar në një bar”.
Pjesë të tjera nga përgjimi
Më datë 27.07.2020 ora 12:21 Klaudjo komunikon me Skënderin dhe i bën me dije se e ka folur me atë, e ka telefonuar që në mëngjes. Ideëja është që ai nuk bën dot veprime pa këto të dyja, këto dy gratë dhe prandaj i ka thënë se të martën do i kthejë përgjigje. Ndërkohë që ka folur edhe me të shoqin e saj me mbiemër Cara dhe i ka thënë se do të vinte të martën. Klaudio i bën me dije Skënderit se atë tjetrin ka tre katër vjet pa e takuar, por nesër maksimumi do i thërrasë atë dhe gruan.
Më datë 27.07.2020 në orën 20:17, Nejtoni komunikon me një shtetas dhe i bën me dije se është kref me atë, do ti përgjigjet se i ka kërkuar 1500 euro të tjera, por do ti përgjigjet se ka për të lënë njerëz brenda. Ai ka paguar 6 dhe i ka thënë që mos t’ia linte për sekondën e fundit, pasi lekët ka një javë që i ka dhënë. Skënderi i ka thënë se e fundit fare të shtojë edhe 1500 të tjera t’ia japë avokates.
Në datën 28.07.2020 Nejtoni i dërgon sms Skënderit duke i thënë se t’ia ndante shpejt këtë punë pasi nuk kishte ca të bënte në sekondën e fundit, se do i ngelte vëllai brenda.
Rreth orës 13:30 shtetasi Skënder Demiraj dhe Nejton Bali kanë shkuar para gjykatës, ku pasi kanë qëndruar për pak në një bar kafe përballë gjykatës, shtetasi Skënder Demiraj është ngritur dhe ka hyrë në gjykatë.
Rreth orës 14:05 shtetasi Arben Cara ka dalë nga një lokal dhe me makinën e tij ka parkuar në oborrin e gjykatës, duke hyrë më pas në ambientet e brendshme të gjykatës. /Panorama/
