Majlinda Bregu, ish-deputete dhe ish-ministre në qeverinë Berisha, u shpreh se është anëtare e PD-së dhe nuk pret ftesa nga askush për të qenë pjesë e familjes së saj politike.
Në një intervistë për DW, Bregu thekson se shpreson që zgjedhjet e ardhshme të jenë realisht zgjedhje dhe të përmbushin standardet.
Ajo u pyet nëse ka marrë ndonjë ftesë direkte nga drejtuesit e PD, ndërsa thekson se nuk ka për çfarë të marrë një ftesë, pasi është anëtare e kësaj partie.
“Jo, nuk kam ndonjë ftesë direkte dhe nuk kam se për çfarë të ftohem, se unë jam anëtare e Partisë Demokratike dhe nuk besoj se duhet që të të ftojë kush për të qenë pjesë e familjes.
E kam vendosur prej vitesh, nuk pres që të më thotë njeri për të qenë në Partinë Demokratike. Por, shpresoj shumë që zgjedhjet e vitit të ardhshëm të jenë zgjedhje, të cilat realisht të kenë mundësi të përmbushin gjithë standardet. Kaq për sot”, tha Bregu.
