Shehu: Duhen 150 mln euro për të përballuar Covid-in, Italia gati të na mbështesë

Ish-deputeti demokrat Tritan Shehu shprehet se për të përballuar situatën nga koronavirusi duhen minimalisht 150 mln euro.

Ai kritikon Qeverinë dhe thotë se Italia është e gatshme të na mbështesë nëse dhe ne do të “mbështesim” veten.

“Covid: Rama na katandisi pa buxhet, në mëshirë të ndihmave e fatit, në amulli, me sëmundshmëri e vdekshmëri të lartë!

Së pari falenderoj të gjithë që po na ndihmojnë në këto momente krize të thellë e në përkeqësim ndaj Covid. Por themeli duhet të jenë dislokimet tona financiare, të cilat kanë munguar që prej shkurtit si në vendet më të prapambetura kjo. Nqs BE dislokon reth 10 M Euro, faleminderit, por duhen minimalisht 150 M Euro për këtë ballafaqim në shëndetësi, për sot e për çfarë duhet të pregatitemi”, shkruan Shehu.

Në vijim ai thekson se në qoftë se BE na dhuron 3 apo 5 respiratorë, duhet ti themi faleminderit, por kjo është pak në krahasim me çfarë ne duhej të kishim bërë e duhet të bëjmë për terapitë intensive, ku humbjet janë prej skarcitetit të strukturave.

“Terapia intensive është shumë më shumë se vetëm respiratori. Vendit tonë tashti i duhen rreth 150 poste të standarteve europiane të tilla për gjendjen aktuale e muajt që do të vijnë, e realizueshme kjo në pak javë. Italia është e gatshme të na mbështesë në qoftë se dhe ne do të “mbështesim” vehten.

LEXO EDHE  Koronavirus/ Greqi, 1,547 raste të reja, 10 vdekje në 24 orë

Nqs nga ShBA na u dhuruan rreth 20000 kite PCR, faleminderit, por ne na duhen minimalisht 2500 të tilla në ditë për një periudhe të gjatë. Po të shtojme këtu strukturat spitalore, ambjentet e triazhimit, mjetet mbrojtëse për personelin shëndetësor duke filluar nga parësori, mjetet e transportit e deri te maskat për popullsinë qartësohen dhe shifrat.

Pa dyshim këtu përfshihet dhe rimbursimi i të gjitha shpenzimeve për ata që mjekohen ambulatorisht, gjë për të cilat vetëm heshtet duke i lënë qytetarët në mëshirë të fatit, një nga shkaqet e vdekshmërisë së lartë që kemi kjo!

Por ka dhe më, Rama edhe për mbulimin e popullatës me vaksinen e gripit si dhe te Covid nuk ka parashikuar asgjë, në “shpresë” të ndihmave të OBSh apo organizmave te tjera, pra do të duhet të presim gjate e për pak gjë! Ndoshta atëhere mund të jetë krijuar “imuniteti i tufës” tek ne, por me nje çmim të lartë jetësh, shëndetësor e ekonomik ky”, shkruan ai.