Nënkryetari i LSI, Petrit Vasili ka dalë në një deklaratë për mediat për të folur lidhur me situatën e covid 19 në vendin tonë.
Vasili deklaroi se mjekimi në shtëpi për pacientët me COVID po u kushton shumë rëndë qytetarëve, ndërkohë që nga qeveria nuk ka asnjë reagim.
Ai thotë se vetëm 10% e të infektuarve në Shqipëri trajtohen në spitale, kurse shumica dërrmuese është në banesa, dhe kanë shpenzime të tepërta.
“Vetëm javën e fundit po të kalkulojmë kemi mbi 1 mijë raste të reja ku vetëm një pjesë e tyre, më pak sesa 10% janë trajtuar në spitale e ku qindra e qindra prej tyre trajtohen ne banesë.
Ky trajtim në shumicën dërrmuese të rasteve, është një trajtim, i cili po u kushton shqiptarëve të varfër në kushtet e krizës, në kushtet e papunësisë, në kushtet e mbylljes së pafundme të bizneseve, të një pamundësie ekonomike ekstreme, prapë iu kushton qindra miliona lekë deri në 1 milion lekë të vjetra, të cilat kuptohet qartësisht që janë një rrënim për buxhetet familjare”, deklaron Vasili.
Sipas tij, kemi hyrë në periudhën e vjeshtës e më tej vjeshtë-dimri ku situata shëndetësore e vendit parashikohet dhe në mënyrë të pashmangshme do të jetë më e vështirë dhe më e komplikuar sesa çdo vit tjetër për arsye të bashkëjetesës me pandeminë e Covid 19-ës, e cila qartësisht është jashtë kontrollit të autoriteteve shëndetësore dhe të qeverisë, e për pasojë shqiptarët do të përballen me një situatë të vështirë, e cila po nuk u organizua sot në themelin e saj, do t’i vërë ata përpara vështirësive të mëdha.
“Në mënyrë të veçantë, po përsëris, gjendja e pandemisë dhe trajtimi i saj kërkon një ndryshim rrënjësor dhe kryesorja mbi të gjitha është trajtimi i qindra e qindra të sëmurëve me Covid 19 në banesë.
Vetëm javën e fundit po të kalkulojmë kemi mbi 1 mijë raste të reja ku vetëm një pjesë e tyre, më pak sesa 10% janë trajtuar në spitale e ku qindra e qindra prej tyre trajtohen ne banesë.
Ky trajtim në shumicën dërrmuese të rasteve, është një trajtim, i cili po u kushton shqiptarëve të varfër në kushtet e krizës, në kushtet e papunësisë, në kushtet e mbylljes së pafundme të bizneseve, të një pamundësie ekonomike ekstreme, prapë iu kushton qindra miliona lekë deri në 1 milion lekë të vjetra, të cilat kuptohet qartësisht që janë një rrënim për buxhetet familjare, por njëkohësisht një rrënim, i cili nuk prodhon trajtimin mjekësor të duhur, e ku për pasojë rastet e rënda vijojnë, e aq më keq rastet e lëna pas dore vazhdojnë të shfaqen, e ku rastet e rënduara për shkak të mos trajtimit të duhur shëndetësor shkojnë në fazën e fundit në spital ku shpesh herë fundi, është një fund fatal dhe ai që nuk do të donim asnjë prej nesh”, tha Vasili.