Këngëtarja me origjinë shqiptare, po akuzohet për “blackfishing”. “Blackfishing” është një term që përdoret kur njerëzit përdorin modele flokësh dhe makeup të caktuar për të krijuar disa tipare të ngjashme me ato të një personi me ngjyrë.
Në një postim në Twitter, ku shfaqeshin prindërit e saj, disa ndjekës mbetën të habitur, pasi mendonun se Rita ishte një këngëtare me ngjyrë, që vinte nga dy prindër me ngjyrë ose të paktën miks, por nuk është kështu.
Ndjekësit në Twitter nisën ta akuzonin 29-vjeçaren, pasi ka përdorur me vite një stil veshjeje dhe modele flokësh të njerëzve me ngjyrë.
“Të zbulosh se Rita Ora nuk është aspak me ngjyrë dhe të dy prindërit e saj janë shqiptarë dhe të bardhë është kaq e çuditshme.”
Pavarësisht origjinës së saj, Ora ka përdorur shpesh flokët me bishtaleca, gërsheta apo modele të tjera afrikane. Kur këtë e kanë bërë të famshëm të tjerë si Kylie Jenner, Kim Kardashian West, Jeffree Star, Bhad Bhabie dhe Lucy Hale, ato janë kritikuar për stilin e tyre dhe janë akuzuar për “përvetësim kulturor”.
