Tre aksidente brenda pak orëve kanë përgjakur rrugët në vend. Një i moshuar i cili drejtonte një motor u aksidentua nga një automjet në Elbasan, i cili ndërroi jetë në spital.
Vetëm pak minuta më pas, një tjetër aksident tragjik ndodh në Vlorë. Burime për mediat, raportojnë se një 25-vjeçare humbi jetën, ndërsa një tjetër mbeti e plagosur rëndë. Siç raportohet, aksidenti ndodhi për shkak të shpejtësisë tej normave të lejuara.
Rreth dy orë më pas, një tjetër aksident me pasojë lëndimin e disa pasagjerëve ndodhi në Cërrik. Furgoni me pasagjerë, është përplasur me furgonin e Ujësjellësit, ndërsa gjendja e tyre mësohet se është jashtë rrezikut për jetën.
Kryesisht, problematike mbetet shpejtësia tej normave të lejuara, si dhe parakalimet e gabuara./BoldNews.al/
