Kosovë-Greqi, ja si pritet të rreshtohen “Dardanët”

Ndeshjen e parë të Nations League, Kosova e mbylli në barazim 1-1  ndaj Moldavisë.

Ndërkohë që sonte prej orës 20:45 do të përballet me Greqinë. Objektivi është fitorja, edhe pse trajneri Bernard Challandes nuk do të ketë në dispozicion një pjesë të mirë të titullarëve.

Gjithsesi zvicerani ka alternativa cilësore dhe sonte pritet të rikthehet dyshja e mesfushës, Halimi-Berisha, me Celinën para tyre që do të bëjë fantazisti. Zeneli dhe Besart Berisha janë projektuar në krahët e sulmit, kurse në majë Atdhe Nuhiu.

LEXO EDHE  Ngec Atletico Madrid, 20 sekonda çmenduri për Joao Felix

Challandes në mbrojtje qendrën nuk e ndryshon, me Rrahmanin e Alitin që priten titullarë, sikurse edhe Vojvoda në krahun e djathtë. Majtas pritet të luajë Hadërgjonaj, kurse në portë i zakonshmi Muric.

Formacioni i mundshëm i Kosovës:

Muric – Vojvoda, Rrahmani, Aliti, Hadërgjonaj – V. Berisha, Halimi – Zeneli, Celina, B. Berisha – Nuhiu. Trajner: Bernard Challandes