Në Francë janë shtuar shtatë zona të tjera aktive të qarkullimit të Covid-19, ose siç janë cilësuar ndryshe, “zona të kuqe”.
Në zonat e kuqe, autoritetet kanë fuqinë që të aplikojnë masa si mbajtja e maskës me detyrim dhe mbyllja e bareve dhe restoranteve. Franca përbëhet nga 94 divizione administrative të quajtura “departamente” dhe tashmë 28 prej tyre janë “zona të kuqe.”
Pra, listës iu shtuan Nord, Bas-Rhin, Seine-Maritime, Côte-d’Or, dy “departamentet” e Corsica-s si dhe Ishulli i Ribashkimit.
Që nga fillimi i pandemisë e deri më tani Franca numëron 324,777 raste me Covid-19 si dhe 30,724 viktima.
