Një 68-vjeçar është arrestuar nga policia pasi u kap në Pikën Kufitare të Morinës me 4 refugjatë sirianë në automjetin e tij.
Ai do të ndihmonte sirianët kundrejt fitimit, që të kalonin kufirin në drejtim të Kosovës, në mënyrë të paligjshme.
I moshuari u arrestua nga Specialistët për Hetimin e Trafiqeve të Paligjshme në DVP Kukës.
‘’Arrestimi i tij u bë pasi u kap nga shërbimet e Policisë, në afërsi të PKK Morinë, me automjetin tip “Benz”, me të cilin po transportonte 4 shtetas sirianë. Shtetasi T. H., do t’i ndihmonte shtetasit sirianë, kundrejt fitimit, që të kalonin kufirin në drejtim të Kosovës, në mënyrë të paligjshme’’, informon policia.
Materialet i kaluan për veprime të mëtejshme, Prokurorisë së Rrethit Gjyqësor Kukës, për veprën penale “Ndihma për kalim të paligjshëm të kufijve”, shtuan të njëjtat burime.
DENONCO