Biznesi i ndërtimit po favorizohet vitet e fundit nga kostot e ulta dhe çmimet e larta. Sipas të dhënave të INSTAT që i përkasin tremujorit të dytë të vitit, kostot në ndërtim kanë shënuar rritje me 0,4 %, në krahasim me tremujorin e dytë 2019.
Krahasuar me të njëjtin tremujor të një viti më parë, indeksi i grupit “Kosto të tjera” u rrit me 1,9 %, ndjekur nga indeksi i grupit “Shpenzime transporti” me1,7 % dhe indeksi i grupit “Shpenzime makinerie” me 1,0 %. Ndërsa, ulje kanë shënuar grupet “Shpenzime materiale” me 1,2 % dhe “Shpenzime për paga” me
Në tremujorin e dytë 2020, ndryshimi tremujor i indeksit të kushtimit në ndërtim shënoi ulje me 0,1 %. Krahasuar me tremujorin e parë të vitit 2020, ulje kanë shënuar grupet “Shpenzime për paga” me 1,1 %, si dhe “Kosto të tjera” dhe “Shpenzime materiale” me 0,7 % secili. Ndërsa, rritje kanë shënuar grupet “Shpenzime makinerie” me 1,0 %, dhe “Shpenzime transporti” me 0,2 %
Sektori i ndërtimit kontribuoi me 1.3 pikë përqindje në rënien vjetore në tremujorin e parë. Kjo ecuri reflekton krahasimin me një bazë më të lartë një vit më parë, si rezultat i përfundimit pothuajse të plotë të projektit të Gazsjellësit Trans Adriatik (TAP)18, dhe vëllimin më të ulët të ndërtimeve të reja19 dhe punimeve inxhinierike.
Numri i lejeve të ndërtimit në 6 mujorin e parë 2020 në shkallë vendi ra me mbi 33 për qind.
Indeksi i Kushtimit në Ndërtim (për Banesa) (IKN) mat ecurinë e çmimeve të materialeve të ndërtimit, të fuqisë punëtore dhe të shpenzimeve të tjera kapitale që përdoren në ndërtimin e një banese tip (8 – 10 kate). Shporta përbehet nga 71 zëra nga të cilat 66 janë materiale ndërtimi. Çmimet për materialet e ndërtimit mblidhen nga 166 distributorë dhe shitës me shumicë të materialeve të ndërtimit. Ndërsa, të dhënat për shpenzimet për pagat, makineritë dhe transportin merren nga 94 ndërmarrje të mëdha ndërtimi të përqendruara kryesisht në rrethin e Tiranës. /Monitor/
