Mesfushori i Real Madrid, James Rodriguez, është shumë pranë një kalimi në Premier League. Për kolumbianin interesohet klubi i Everton, ku trajneri Carlo Ancelotti e pret krahë hapur.
James ka disa kohë që e ka humbur vendin e titullarit tek madrilenët, pasi Zidane nuk beson më tek ai. Klubi anglez shpreson që ta transferojë lojtarin për shumën e 20 milionë eurove, ku kujtojmë që Reali e bleu atë për plot 71 milionë euro në vitin 2014 nga Monaco.
Ancelotti pritet t’i ofrojë një kontratë tre-vjeçare 29-vjeçarit me të cilin ka punuar dhe tek Bayern Munchen, kur Rodriguez ishte në huazim nga Reali. Gjithashtu tekniku italian ka arritur dhe akordin me mesfushorin e Napolit, Allan.
Braziliani ishte një nga lojtarët e preferuar të tij kur ai drejtone napoletanët.
