Nga Boldnews.al
Kryeministri Edi Rama ka vendosur të ikë nga Vlora si drejtues i fushëtës elektorale atje për zgjedhjet e vitit 2017 duke ia besuar atë “privilegj” Damian Gjiknurit, që zakonisht mbush furgonët me çuna problematik, kudo që shkon. Po Rama nuk i ndahet bregut të detit, la Vlorën dhe do të mbajë Durrësin si drejtues i fushatës eleketorale, një pozicion që në çdo fushatë të tij ia kishte besur Vangjush Dakos.
Gjushi i partisë nuk është më në asnjë listë të Ramës, u dogj për një dosje të rëndë 339 e cila po kalohet fare lehtësisht nga SPAK-u. Rama po kërkon mandatin e tretë dhe e ka të qartë se Durrësi së pari është i tejngopur nga makinacionet e tmerrshme të zgjedhjeve të vitit 2017, ku Vangjush Dako shfaqej me personazhe të botës së krimit, duke u kapur edhe në përgjime me eksponentë të dënuar për vrasje dhe trafik droge. Po vija e partisë që vinte si frymë nga fare lart kështu e donte dhe Gjushi e zbatoi me përpikmëri. Nuk kishte rëndësi se kush do përfshiheshin në shitblerje e shantazh për votën, mjafton që ajo të shkonte në hambarin e Rilindjes.
Kryeministri Rama që u shpreh i “bindur” se do marrë mandatin e tretë vendosi që të shkonte vetë në qarkun e Durrësit. Po kush do e presë atje? Patjetër që Vangjush Dako, edhe pse nuk do të dalë publikisht në fushatë, pasi u denigrua nga dosja 339 ku shfaqej në përgjime teksa fliste me eksponentë të njohur të botës së krimit të cilët i kishte si shefa të shtabeve elektorale të Partisë Socialiste.
Durrësi sot është sërish në duart e Ramës dhe të Vangjushit. Së pari drejtuesit e bashkisë, që për gjashtë muaj u ndërruar tre herë janë të kontrolluar nga dora e dyshës Rama-Dako. Gjithashtu edhe strukturat e partisë janë përzgjedhje e tyre, aq sa një vit më parë njëri prej kandidatëve u tërhoq pikërisht nga presioni që vinte nga “forcat e errëat” të Rilindjes.
Pasojat e tërmetit janë sërish një problem madhor në Durrës, ku njerëzit ende qëndrojnë në skuta banesash me qira, ndërsa shohin se në pallatet ku më parë banonin por u rrënuan nga tërmeti tragjik i 26 nëntorit, ata që vijnë vërdall janë oligarkët e lidhur me pushtetin, të cilët kërkojnë të majmen edhe më shumë me këtë fatkeqësi për të kapur tenderat e radhës.
Sigurisht që Rama do tentojë të bëjë kujdes në daljet publike në Durrës, por e ka të qartë se pa enturazhin e grupeve kriminale ai është i humbur. Gjithçka pritet të luhet në errësirë, ku çunat që janë regjur nëpër burgje dhe kanë “dokturaturë” në trafikun e drogës do punojnë për atë që i mbron. Kryeministri e di mirë këtë ndaj ka zgjedhur Durrësin jo vetëm si zonë e cila rrëzikon ta gremisë në zgjedhje, por për të treguar se ai është dhe do jetë me ta, pavarësisht se i largoi Gjushin e besuar.
Ku ka më mirë se të shkojë vetë atje dhe të menaxhojë Durrësin apo Shijakun sepse një shembull e ka; nuk duhet të dalë aq hapur krah më krah me eksponentë të krimit apo të biznesit të pisët, por mesazhin ua ka dhënë qartë që të vazhdojnë rrugën e nisur në vitin 2017, për të dhënë një tjetër “tërmet votash”, duke i siguruar se në Vlorën e tij të dikurshme ka një tërmet të vërtetë si Damiani.
