Ministri i Brendshëm, Sandër Lleshaj, ka reaguar në lidhje me emërimin e Gjovalin Lokës dhe Artan Shkëmbit të akuzuar si bashkëpunëtorë të sigurimit të shtetit.
“Mbaj përgjegjësi për emërimin e Lokës, unë e kam emëruar dhe mbaj përgjegjësi për të dhe kam vlerësimet maksimale për punën e tij”, tha Lleshaj.
Në lidhje me akuzat e opozitës, ai ka thënë se refuzon t’iu përgjigjet.
Deklarata e ministrit u bë nga Korça ku ministri mori pjesë në prezantimin e forcave të reja policore që janë shtuar në radhët e policisë kufitare, forcave shqiponja të cilat u shtuan me 50 efektivë të rinj.
