Alternime kthjellimesh dhe vranësirash të herë pas-herëshme mbizotërojnë motin gjatë paradites në vend. Por mesdita dhe pasditja zhvillojnë vranësirat në veri dhe qendër duke sjellë shira të pakët e të izoluar, parashikon “MeteoAlb”.
Temperaturat e ajrit ulen lehtë në mëngjes dhe mesditë duke luhatur vlerat ditore nga 18°C deri në 36°C.
Era do fryjë mesatare gjatë paradites por forcohet në pasdite duke arritur në det të hapur shpejtësi 55-60 km/h nga drejtimi Veriperëndimor duke krijuar dallgëzim 5 ballë.
Vendet e Rajonit do të përfshihen nga një sistem i dendur vranësirash, i cili do të sjell rrebeshe shiu dhe ministuhi ere. Po ashtu Verilindja e Europës mbetet me vranësira dhe shira. Ndërsa Veriu, Qendra dhe Jugperëndimi paraqiten me mot të kthjellët.
