Në 24 orët e fundit në Maqedoninë e Veriut janë regjistruar 5 viktima dhe 159 raste të reja me COVID-19.
Ministria e Shëndetësisë e Maqedonisë informon se në 24 orët e fundit janë kryer 2.018 testime, ndër të cilat 159 kanë rezultuar pozitive.
Viktimat janë një paciente nga Shkupi 61 vjeç, dy pacientë nga Dibra 43 dhe 86 vjeç, një pacient nga Kërçova 62 vjeç dhe një pacient nga Demir Hisari 70 vjeç. Të gjithë pacientët ndërruan jetë në kushte spitalore.
Numri i përgjithshëm i të infektuarve me koronavirus në Maqedoninë e Veriut prej fillimit të pandemisë është 14.163 persona.
