Autoritetet shëndetësore në Kosovë kanë regjistruar në 24 orët e fundit 10 persona të vdekur me koronavirus, duke e çuar numrin total të viktimave në 448. Të dhënat e së premtes kanë treguar edhe për 162 raste të reja të prekura nga COVID-19.
Prej 13 marsit, kur janë regjistruar rastet e para me koronavirus në Kosovë, Instituti Kombëtar i Shëndetësisë Publike (IKSHPIK) ka raportuar për 12,168 të infektuar me këtë virus.
Deri më tani 8,149 pacientë janë shëruar, derisa aktualisht janë 3,571 raste aktive.
Një ditë më parë, Kosova regjistroi 13 viktima dhe 158 raste të reja.
