Ministrja e Arsimit, Besa Shahini bëri me dije se në vitin e ri shkollor do të përfitojnë libra falas nxënësit e klasave 1-7 dhe të gjithë nxënësit e kategorive të veçanta deri në klasë të 12-të.
Në një reagim në rrjtet sociale, Shahini shprehet se “këtë vit kemi zgjeruar skemën mbështetëse të librave falas, me përfitues direkt nxënësit e klasave 1-7 dhe të gjithë nxënësit e kategorive të veçanta deri në klasë të 12-të”.
Kjo skemë mbështetëse nga buxheti i shtetit prej 800 milionë lekësh u vjen në ndihmë direkt mbi 250 mijë nxënësve përfitues në të gjithë vendin, sipas përllogaritjeve të Ministrisë së Arsimit.
Miratimi në Këshillin e Ministrave i propozimit i MASR për të mbuluar me libra falas të gjithë nxënësit që vijnë nga situata të brishta socio-ekonomike deri në klasën e 12-të, u bë në 17 qershor të këtij viti.
Dje, Shahiri njoftoi se shkollat do të rihapen në muajin Shtator, pas mbylljes si pasojë e COVID-19.
