Tirana është nisur mëngjesin e ditës së sotme në drejtim të Gjeorgjisë, teksa nesër do të luajë kundër Dinamo Tbilisi, ndeshje e vlefshme për raundin e parë kualifikues të Ligës së Kampioneve.
Bardheblutë e Egbo janë “spiunuar” nga UEFA, që në publikimin e 22 lojtarëve të federuar për garat europiane, ka zbuluar afrimin më të ri të kampionëve të Shqipërisë.
Derrick Sasraku është afrimi më i ri në sulm, me Tiranën që ende nuk e ka prezantuar zyrtarisht lojtarin. Ai është i përfshirë në listë edhe pse ende nuk ka mbërritur në Shqipëri.
Besohet se firma është hedhur dhe lojtari së bashku me 2 prurjet e tjera nga Afrika do jenë në Shqipëri brenda javës që vjen. Sasraku (26 vjeç) është me origjinë ganeze dhe ka luajtur me Club African dhe së fundmi me Madeama në vendlindje.
Lista e KF Tirana për ndeshjet e Ligës së Kampioneve:
Portierë: Ilion Lika, Marvin Kodra, Pano Qirko
Mbrojtës: Marsel Ismajlgeci, Kristijan Toshevksi, Gentian Muça, Marlind Nuri, Erion Hoxhallari, Kristi Vangjeli, Ardit Toli
Mesfushorë: Filip Najdovski, Elton Cale, Winful Cobbinah, Idriz Batha, Agustin Torassa, Andri Stafa, Jurgen Çelhaka, Jurgen Vrapi
Sulmues: Derrick Sasraku, Albion Avdijaj, Ernest Muçi, Grent Halili
