Sot në orën 21:00 nis faza gjysmëfinale e Ligës së Kampioneve. Leipzig dhe Paris Saint-Germain do të vihen përballë njëra-tjetrës me synimin për të arritur në finale e madhe.
Skuadra gjermane, vjen në këtë ndeshje pasi eliminoi Atletico Madridin në çerekfinale (2-1), kurse PSG eliminoi Atalantën duke përmbysur rezultatin në minutat e fundit të ndeshjes (2-1).
Kualifikimi i Leipzig në gjysmëfinalet e Ligës së Kampioneve është një ngjarje historike, duke marrë parasysh që klubi është themeluar vetëm në vitin 2009, ndërkohë që sot do të tentojë një tjetër “mrekulli” ndaj kampionëve të Francës.
PSG nga ana tjetër, është në gjysmëfinale të kompeticioneve Europiane për herë të dytë në histori; ata arritën më parë në 1995 por humbën 3-0 me rezultat të përgjithshëm ndaj italianëve të AC Milan. Parisienët vijnë në këtë sfidë si favoritët dhe për klubin është e qartë se ky është kompeticioni që ata duan të fitojnë.
Fituesi i këtij dueli luan në finale me fituesin e duelit tjetër mes Bayern Munich dhe Lyon, ndeshje e cila luhet nesër.
DENONCO