Kryeministri Edi Rama ka bërë me dije këtë të Shtunë se qeveria ka vendosur ti japë 5 mln lekë të vjetra familjes së 10-vjeçarit, i cili u përplas për vdekje nga një autoambulancë në Kakavijë.
Në postimin në Twitter, Rama kujdeset të shfajësojë shoferin e ambulancës që përplasi të miturin, duke u shprehur se i mituri “i preu rrugën autoambulancës”.
“Sot vendosëm që si qeveri të asistojmë familjen e të miturit që humbi tragjikisht jetën pasi i preu rrugën autoambulancës në Kakavi, me një shumë prej 500.000 lekësh të reja, duke i rishprehur dhe njëherë familjes ngushëllimet tona më të ndjera. Engjëlli i vogël u dhëntë forcë”, shkruan Rama.
Shumë prej qytetarëve shprehin revoltë ndaj postimit të Ramës.
Një përdorues i rrjetit social i shkruan kryeministrit se postimi që ai ka bërë “është i turpshëm”:
“Hiqe Edi, turp me ta pa kush, e bane bamirësinë, mos e publiko, ska nevojë”.
Një tjetër komentues ironizon duke u shprehur: “4000 euro e paske myt krejt”.
“Flliqtinë”, komenton një tjetër.
