Një vajzë 13-vjeçare u përdhunua dhe u vra, ndërsa trupi i saj u hodh në një fushë pas sulmit brutal dhe të tmerrshëm seksual ndaj saj.
Dy burra u arrestuan në Indi lidhur me ngjarjen, pasi trupi i fëmijës u gjet në një fushë me kallam sheqeri afër kufirit të Nepalit, tha policia.
Familja e vajzës kishte ngritur alarmin, pasi ajo nuk po kthehej nga fusha të Premten në mbrëmje, për në shtëpi.
Babai i saj pretendon se gjuha e saj ishte prerë dhe dhe sytë i ishin nxjerrë – por policia e kundërshton këtë, sipas transmetuesit indian NDTV.
Gërvishtjet pranë syve të vajzës janë shkaktuar ndoshta nga gjethet e mprehta të kallamit të sheqerit në fushën ku u gjet, – tha policia.
“Të dy të akuzuarit [janë] arrestuar tashmë,” – u shpreh shefi i policisë lokale, duke shtuar se kundër tyre do të ngrihen akuzat për përdhunim dhe vrasje.
Gati 34,000 përdhunime raportohen çdo vit në Indi megjithë ligjet më të ashpra dhe protestat në mbështetje të viktimave.
Ndërsa 85 përqind e përdhunimeve të raportuara në 2018 çuan në akuza, vetëm 27 përqind të autorëve, sipas shifrave të qeverisë. Në vitin 2017, rreth 30 përqind e viktimave të raportuara ishin fëmijë.
Një nga demonstratat masive u zhvillua pas përdhunimit dhe vrasjes së një studenteje në Neë Delhi në 2012.
Krimi tërhoqi mediat ndërkombëtare dhe katër prej sulmuesve u ekzekutuan në fillim të këtij viti, por numri i madh i sulmeve seksuale vazhdon të mbetet shqetësues në Indi.
Muajin e kaluar një vajzë tre-vjeçare u përdhunua dhe u vra nga dy burra që e hodhën trupin e saj në një digë para se të pretendonin se ajo ishte sakrifikuar prej ‘magjisë së zezë ’.
