Brazili regjistroi dje 50.644 raste të reja të koronavirusit dhe 1 060 vdekje, tha Ministria e Shëndetësisë e Brazilit. Bilanci global flet për më shumë se 21 milionë njerëz të infektuar në të gjithë botën.
Kritike vijon të jetë situata në shtetin më të madh amerikano-latin. Kështu, numri i përgjithshëm i të infektuarve në Brazil u rrit në 3,275,520, dhe numri i vdekjeve në 106.523 njerëz.
Brazili është vendi i dytë më i infektuar në botë, pas Shteteve të Bashkuara të Amerikës.
Më shumë se 21 milionë njerëz në të gjithë botën janë infektuar me koronavirus dhe numri i të vdekurve po kap shifrën e rreth 760 mijë (saktësisht 759.411 kanë ndërruar jetë nga virusi që ka gjunjëzuar planetin).
Infeksionet janë regjistruar në më shumë se 210 vende dhe territore pasi në Kinë u identifikuan rastet e para në dhjetor të vitit 2019./ Reuters
