Pas vendimit për Skenderbeun, UEFA: Luftë ndeshjeve të fiksuara, u hodhën poshtë pretendimet

UEFA ka reaguar pas vendimit të dhënë nga Gjykata Federale e Zvicrës, e cila hodhi poshtë rekursin e Skënderbeut, duke lënë në fuqi dënimin me 10 vite mospjesmarrje në kompeticionet europiane për klubin korçar.

UEFA shprehet se ky vendim konfirmon përshtatshmërinë dhe efikasitetin e kornizës së vendosur nga UEFA për të luftuar fatkeqësinë e ndeshjeve të fiksuara.

“UEFA mirëpret lajmin se Gjykata Federale Zvicerane (SFT) ka dhënë një vendim të rëndësishëm i cili mbështet plotësisht luftën e UEFA-s kundër ndeshjeve të fiksuara.

Në vendimin e tij të detajuar dhe të plotë, SFT hodhi poshtë të gjitha argumentet e ngritura nga klubi KS Skënderbeu në ankesën e tij kundër vendimit të CAS të 12 korrikut 2019 dhe konfirmoi pezullimin 10 vjeçar të klubit nga të gjitha garat Europiane, për përfshirjen e tij në aktivitete që synojnë fiksimin e rezultatit të ndeshjeve.

LEXO EDHE  Maqedonia e Veriut: Do marrim vaksinën kineze, Pfizer ka probleme

Në veçanti, SFT vendosi në tre aspekte të rëndësishme të procedurës disiplinore të UEFA-s për rregullimin e ndeshjeve, duke konfirmuar se:

Procedura disiplinore me dy hapa e UEFA-së (së pari administrative dhe më pas disiplinore) është plotësisht e justifikuar dhe në përputhje me ligjin

Sistemi BFDS i përdorur nga UEFA për të zbuluar aktivitetet e rregullimit të ndeshjes është i besueshëm

Rregulloret e UEFA-s për të ndëshkuar klubet për fiksime rezultatesh nuk kërkojnë që organet e tij disiplinore të identifikojnë individin (ët) që kanë kryer një veprim të fiksimit të rezultatit në mënyrë që të ndëshkojnë vetë ekipin”, thuhet në reagimin e UEFA-s.

Në vijim theksohet se UEFA e mirëpret shumë këtë vendim, i cili konfirmon përshtatshmërinë dhe efikasitetin e kornizës së vendosur nga UEFA për të luftuar fatkeqësinë e ndeshjeve të fiksuara.