I shtruar te “Infektivi”, ndahet nga jeta taksisti me COVID

Një 60-vjeçar i prekur me Covid-19 ka ndërruar jetë në spitalin “Infektiv” në Tiranë në orët e vona të mbrëmjes së djeshme. Mësohet se 60-vjeçari ishte me profesion taksist dhe prej 5 ditësh ndodhej i shtruar në spital, pasi ishte transportuar me urgjencë nga qyteti i Tepelenës, ku dhe jetonte.

Burime bëjnë me dije se taksistit i janë shfaqur simptomat 10 ditë më parë, dhe me përkeqësimin e gjendjes prej 5 ditësh ndodhej i shtruar në spital.

LEXO EDHE  Rama vazhdon propagandën 'Të papunët prej pandemisë'/ Rama: S'do ketë pagë minimale nën 300 mijë lekë

Numri i jetëve të humbura që prej fillimit të pandemisë në vendin tonë ka shkuar në 213, ku vetëm dje u regjistruan 5 viktima në të dy spitalet Covid. Edhe rastet e reja vijojnë që të mbeten në shifra të larta, ku vetëm dje u raportuan nga Ministria e Shëndetësisë 154 të tilla, shumica e të cilave në Tiranë.