Ministria e Shëndetësisë prej javësh raporton një shtim të rasteve me koronavirus, i cili duket se ka dalë jashtë kontrollit të autoriteteve, që nuk kanë asnjë strategji për të përballuar pandeminë.
Ministria e Shëndetësisë prej kohësh mbajti si monopol testet anti-Covid, edhe pse testimet e kryera ishin në nivele minimale. Veç kësaj janë raportuar raste se pavarësisht shenjave që shfaqin shumë pacientë, ato testohen kur kanë kaluar ditë dhe virusi ka zbritur nga pjesa e fytit në mushkëri, që çon në një rëndim të gjendjes së pacientëve.
Por duket se zv.Kryeministri Erion Braçe, ashtu sikundër edhe Ministria e Shëndetësisë, përgjegjësinë ia hedhin qytetarëve.
Braçe ka zgjedhur të publikojë në rrjetet sociale një video nga festat me muzikë e shampanjë, që grumbullojnë shumë të rinj, duke u kthyer kështu në rrezik për përhapjen e koronavirusit.
Ai thotë se po bëhet politikë me ndëshkimet e tyre, të cilat interpretohen gjerësisht si cënim të rregullave dhe lirisë, pavarësisht se bëhen për të ruajtur shëndetin e tyre dhe prindërve të tyre.
Braçe ka një thirrje edhe për tatimet, për kontrollin e shpërndarjes së kuponëve në këto festa të shfrenuara.
