Sa do zgjasin masat ndaj Covid-19? Bizneset gjermane presin kufizime publike deri në Prill

Bizneset gjermane parashikojnë që kufizimet në jetën publike për shkak të Covid-19 do të vazhdojnë mesatarisht për 8.5 muaj. Parashikimi u bë nga instituti për hulumtime ekonomike Ifo, ndërkohë që rritja e numrit të infeksioneve po shton shqetësimet.

Sondazhi i fundit i Ifo në Korrik, pyeti sektorë të ndryshëm se sa gjatë ata presin se do vazhdojnë kufizimet në jetën publike.

Ofruesit e shërbimeve presin të paktën 8.9 muaj, bizneset e orientuara tek tregtia presin 8.6 muaj, sektori i ndërtimit 8.2 muaj dhe manifaktura 7.8 muaj.

“Kompanitë në sektorin e turizmit në veçanti, shqetësohen për një periudhë më të gjatë të masave, në 13 muaj”,- deklaroi instituti, duke shtuar se bizneset në aktivitetet e arteve dhe restorantet presin masa të paktën për 11 muaj.

Sondazhi vjen ndërkohë që bizneset në Europë po përpiqen të rimëkëmben nga pandemia e koronavirusit, ndërkohë që po rriten të infektuarit në shumë vende, përfshirë Gjermaninë, raporton Scan Tv.

LEXO EDHE  Rusi/ Kryetari i bashkisë i kërkoi të kandidonte kundër, pastruesja 35-vjeçare i zë vendin

Norma e riprodhimit të virusit, që nënkupton sa të tjerë infekton mesatarisht një person me koronavirus, u rrit në 1.16 në fund të javës që kaloi në Gjermani, që është niveli më i lartë në 10 ditë. Gjermania e vlerëson këtë normë duke përdorur mesataren lëvizëse 4-ditore dhe bën të ditur se kjo vlerë reflekton situatën e infeksionit në 1- 2 javë më parë. Deri më tani, Gjermania ka regjistruar 217,288 të infektuar me koronavirus dhe 9,202 të vdekur, sipas të dhënave të Universitetit John Hopkins, çka përbën një numër më të ulët të të vdekurve krahasuar me shumë vende europiane.