Leo Messi ka treguar disa herë madhështinë e tij jo vetëm në fushën e lojës por edhe jashtë saj. Sulmuesi argjentinas njihet për donacionet e tij dhe përfshirjen në shumë organizata jofitimprurëse me qëllimin për të përmirësuar jetët e atyre që kanë nevojë.
Argjentina e tij po vuan shumë nga pandemia e koronavirusit, njësoj si të gjithë vendet e Amerikës Latine në këtë periudhë.
Mbi 246 mijë persona janë infektuar dhe 4634 prej tyre kanë humbur jetën. “Pleshti” ka vendosur të japë kontributin e tij në këtë moment të vështirë.
Nëpërmjet fondacionit të tij, ylli i Barcelonës ka dhuruar 50 respiratorë artificialë për spitalet e Rosarios, me 32 prej tyre që kanë mbërritur në aeroportin e qytetit të vendlindjes të premten e kaluar. Ai gjithashtu ka dhuruar 500 mijë euro që do të shkojnë në fondet e spitaleve të qytetit të tij të lindjes.
