Një grua 67-vjeçare u gjet e pajetë në banesën e saj në Tiranë, ndërsa policia ka shoqëruar djalin e saj 45-vjeçar, të cilin e ka marrë në pyetje lidhur me rrathanat.
Faxweb.al raporton detaje të reja për vdekjen e 67-vjeçares Veronika Ramadani.
Referuar burimeve, Faxweb raporton se 45-vjecari Julian Zisi vuan nga probleme të shëndetit mendor, ndërkohë që paraprakisht thuhet se në trupin e 67 vjecares nuk janë konstatuar shenja dhune ndërsa pritet kryerja e ekspertizes për të përcaktuar shkaqet e vdekjes.
Zisi është marrë në pyetje nga ana e Policisë, ndërkohë që dëshmia e tij ende nuk bëhet e ditur.
Policia, dhe jo vetëm i druhen një skenari të ngjashëm me atë të Pogradecit, ku djali i preu kokën nënës së tij, ndërkohë që ishte person me probleme të shëndetit mendor, dhe konsumues i drogërave.
”Në rrugën “Gjon Kastrioti”, në Laprakë, është gjetur pa shenja jete, në banesë shtetasia V.R., 67 vjeçe, e cila jetonte vetëm me djalin e saj.
Trupi i viktimës u dërgua në morg për të kryer ekspertimin mjeko-ligjor, ku nga këqyrja paraprake nuk janë konstatuar shenja dhune.
Shtetasi J.Z., 45 vjeç (djali viktimës) u shoqërua në komisariat për sqarimin e rrethanave të ngjarjes.
Grupi hetimor dhe shërbimet e Policisë vijojnë punën për sqarimin e plotë të ngjarjes”, njoftoi mëngjesin e sotëm policia e Tiranës.
