Manjani: Një shtet e mban ushtrinë se mund t´i duhet, po ne për çfarë na hyn në punë

Ylli Manjani, ish-ministër i Drejtësisë, shprehet se shteti e ndërton dhe mban ushtrinë me idenë se mund ti duhet. Mirëpo kur e kupton që nuk i duhet, është më mirë ta shkrijë se bëhet bajat.

“Një ushtri që drejtohet nga një mjek; nuk fluturon dot në ajër (kur ngrihet ndonjë helikopter lutemi të mos bjerë); që nuk lundron dot në det për të ruajtur kufirin; që në tokë zbërthen për skrap mjete, pajime e municione, realisht nuk ka më asnjë kuptim!”, shkruan Manjani në rrjetet sociale.

Postimi nga Ylli Manjani

Shteti e ndërton dhe mban ushtrinë me idenë se mund ti duhet. Mirëpo kur e kupton që nuk i duhet, është më mirë ta shkrijë se bëhet bajat.

Një ushtri që drejtohet nga një mjek; nuk fluturon dot në ajër (kur ngrihet ndonjë helikopter lutemi të mos bjerë); që nuk lundron dot në det për të ruajtur kufirin; që në tokë zbërthen për skrap mjete, pajime e municione, realisht nuk ka më asnjë kuptim!

Po fare, fare!

Le të jemi në NATO, ditën e natën! Kjo që kemi nuk ngjan me ushtri, por me një entitet qokash që nuk kanë lidhje me asgjë ushtarake.

Shteti ndërkohë harxhon para për uniforma e axhexhe të tjera në emër të ushtrisë, por që në fakt janë qoka politike. Edhe kur blen ndonjë mjet nga jashtë e bën për qokë politike ndaj shtetit ku e blen.

LEXO EDHE  Kapet duke transportuar sirianë, arrestohet gardiani

Ose shërben si magazinë mjetesh të përdorura (që si duhen as dreqit), të dhuruara nga ushtri të tjera.

Ushtria që nuk armatosi dot popullit të mbrojë atdheun në ’39-ën, por e armatosi paq popullin e vet në ’97-ën për të vrarë veten, nuk bën!

Ushtria krijohet për të mbrojtur popullin jo për ta shuar atë. Aq më pak krijohet për t’i ngrënë taksat e shkatërruar pasuritë.

Po kur prodhohen pa fund Gjeneralë!!! Kulmi! Gjeneralë që armët i dinë si mjete për t’u shitur për skrap. Ndërsa ushtarët e oficerët i dinë si uniformë për t’u blerë me tender.

Ndoshta duhet të jemi të ndershëm dhe të sinqertë deri në dhimbje me ushtrinë. Ose e bëjm dhe e mbajmë, ose e shkrijmë. Në çdo rast në dorë të zotit jemi.

P.S. Kam respekt të veçantë për njësinë Komando, e cila është e vetmja njësi ushtarake e mirfilltë që na rrit krenarinë si shtet.

Por kaq është ushtria e vërtetë që kemi. Dhe nuk është turp të themi se kaq mund të mbajmë.

Përkundrazi më mirë të mbajmë mirë atë që kemi.