Erando Karabeci i ka dhënë lamtumirën Tiranës pas plot 10-viteve me skuadrën bardheblu. Kontrata me Tiranën i ka përfunduar dhe tashmë për 31-vjeçarin ka ardhur momenti i ndarjes.
Mesfushori, i cili ngriti trofeun e titullit kampion si kapiten, do të shohë për një tjetër eksperiencë, me shumë mundësi brenda Superiores.
Nuk është vetëm Karabeci një ish lojtar i Tiranës tashmë, por edhe Michael Ngoo. Anglezi në fund të kampionatit u shpreh se ishte i gatshëm të ulej ne bisedime me klubin dhe negociatat janë zhvilluar, madje i është propozuar edhe një rritje e pagës, por 27-vjeçari nuk e ka pranuar dhe në këtë mënyrë nuk do të vijojë më karrierën me bardheblutë.
