120 minuta dhe 7 gola, Partizani B fiton finalen kundër Devollit dhe ngjitet në Kategorinë e Parë

Partizani B është ngjitur në Kategorinë e Parë teksa kanë mundur me rezultatin 3-4 skuadrën e Devollit në finale.

Ky takim i jashtëzakonshëm prodhoi plot 7-të gola pas 120 minutave lojë. Llanaj vulosi përfundimisht ngjitjen në divizionin e dytë të futbollit shqiptar teksa realizoi golin e artë në minutën e 113-ë të ndeshjes.

Koha e rregullt përfundoi në barazim 3-3. Të kuqtë siguruan një avantazh të dyfishtë Brenda 7-të minutave lojë. Por devollinjtë gjetën forca dhe arritën të ngushtonin shifrat me penallti në minutën e 21-të.

Portieri Mali u bë hero duke i pritur penalltinën të kuqve, por Devolli nuk diti të përfitonte pasi pasi dy raste të pastra për të barazuar ndeshjen. Juglindorët barazuan pas gati 1 ore lojë me Paulo Ivanin.

LEXO EDHE  Dortmund-Bayern Munich/ Mbyllet pjesa e parë e finales, shënohen tre gola

Skuadra e Fetollarit ia doli të përmbysë finalen duke çarë mbrojtjen e skuadrës së kuqe në minutën e 66-të. 8 minuta nga fundi i kohës së rregullit, Eneo Bitri përfitoi nga dalja e portierit Mali dhe kaloi topin me kokë brenda në portën e Devollit.

Gjatë kohës shtesë të dyja ekipet iu afruan golit, por Llanaj u bë heroi i Partizanit B duke mposhtur Devollin pas 113 minutave lojë sfilitëse.

Të kuqtë kurorëzojnë një sezon fantastik, ndërsa Devolli duhet të luajë sezonin e ri në Kategorinë e Dytë.