Epidemiologu i njohur Ilir Alimehmeti ka publikuar një studim për vendet e Ballkanit Perëndimor dhe vendeve të tjera fqinje lidhur me pandeminë e koronavirusit.
Sipas Alimehmetit, rasti i Shqipërisë është ende i menaxhueshëm pasi ende nuk ka një transmetim komunitar të COVID-19 dhe infektimet aktualisht po ndodhin në grupe rastesh, të cilat ai i klasifikon me ngjyrën e verdhë te semaforit.
Ai thotë se në vendet që nuk ka një përkeqësim të situatës, pandemia mund të frenohet me tre rregullat bazë.
“Ku ndodhen shtetet e Ballkanit Perendimor ne situaten epidemiologjike?
Dr. Tedros Adhanom Ghebreyesus, Drejtori i Pergjithshem i Organizates Boterore te Shendetesise, kur deklaroi pandemine sqaroi edhe qe:
“…Nese shtetet hetojne, testojne, trajtojne, izolojne, gjurmojne dhe mobilizojne personelin e tyre (ne pergjigjen ndaj infeksionit), shtetet me pak raste COVID-19 mund te evitojne qe ato raste te kthehen ne grupe, dhe qe ato grupe te kthehen ne transmetim komunitar…”
OBSH nuk ka nje perkufizim specifik per transmetimin ne grup (cluster transmissions). Ky perkufizim mund te perdoret per te pershkruar infektime qe jane shume te perqendruara ne nje lokalitet te kufizuar, shpesh brenda familjes apo rrethit te ngushte profesional ose shoqeror.
Ne keto raste, burimi i infektimit njihet dhe mund te gjurmohet prapa.
Sipas OBSH-se: “Transmetimi komunitar evidentohet nga paaftesia per te lidhur gjurmet e rasteve te konfirmuara permes zinxhirit te transmetimit per nje numer te madh te ketyre rasteve.”
Pra, permes nje thjeshtimi epidemiologjik mund te themi se ne gjuhen e semaforit:
E gjelber – Raste sporadike me COVID-19 ose aspak raste
E verdhe – Grupe rastesh me COVID-19
E kuqe – Transmetim komunitar i COVID-19
Sipas Raportit te Situates nr. 195 te OBSH (2 Gusht 2020), te bashkengjitur:
Shqiperia – Grupe rastesh
Maqedonia e Veriut – Grupe rastesh
Mali i Zi – Grupe rastesh
Kosova – Transmetim komunitar
Serbia – Transmetim komunitar
Bosnje-Hercegovina – Transmetim komunitar
Po ashtu, si Grupe Rastesh paraqiten edhe vendet e BE-se fqinje si Italia, Greqia, Kroacia, Sllovenia
Pra, shtetet me grupe rastesh jane ende epidemiologjikisht ne gjendje qe te evitojne perkeqesimin e situates duke:
Ruajtur distancen fizike (2 metra)
Ruajtur higjienen e rregullt te duarve
Mbajtur masken nese nuk ruhet dot distanca fizike
Kujdes te madh kosoves sepse situata ka dale jashte kontrollit epidemiologjik”, përfundon postimi.
