Një ditë më parë policia e drejtuar nga Ard Veliu ndaloi një veteran të UÇK bazuar në një urdhër të Beogradit, që ia kishte përcjellë emrin Interpol.
Veterani i UÇK u lirua pas verifikimeve dhe ndoshta presioneve nga Prsihtina dhe mediat, që denoncuan ngjarjen.
Ndërkohë, kryebashkiaku socialist i Lezhës Pjerin Ndreu kërkon zbardhjen e ngjarjes që solli ndalimin e Murtez Kastratit.
Ndreu thotë kjo është një ngjarje e shëmtuar dhe se ata që janë përgjegjës për këtë turp duhet të penalizohen.
“Nëse një ish pjesëtar i UÇK është ndaluar me urdhër arresti nga Serbia, kjo është ngjarje e shëmtuar që duhet të hetohet dhe të penalizohen ata që janë përgjegjës për këtë turp!”, shkruan Ndreu.
Policia e Shtetiit dhe Ministria e Brendshme nuk kanë reaguar zyrtarisht lidhur me aktin e turpshëm, ndërsa kjo u konsiderua nga opozita si një vasalitet i Tiranës zyrtare ndaj Beogradit.
