Arsenal fiton Kupën e Anglisë, mposht Chelsea me përmbysje

Arsenal ka fituar Kupën e Anglisë pasi ka mundur 2-1 në “Wembley” Chelsea-n. Ka qenë një fitore me përmbysje për skuadrën e Arteta-s, që e ka parë veten në disavantazh pas vetëm 5 minutash lojë pas golit të shënuar nga Pulisic.

Kundërpërgjigja e Topçinjve ka ardhur në minutën e 28-të me penalltinë e transformuar nga Aubameyang, i cili ka kompletuar përmbysjen e  të tijve në minutën e 67-të.

Që nga debutimi i tij me Arsenal-in në shkurtin e 2018-ës, Aubameyang ka shënuar më shumë gola në të gjithë kompeticionet se çdo lojtar tjetër i Premier League (70, dy më shumë se Mohamed Salah).

LEXO EDHE  Demi konfirmon Dajën: Nuk heq kollaj njeri nga Partizani, ja kur do të jetë gati kompleksi i ri

Rezultati ka mbetur i pandryshuar deri në fund, me Chelsea-n që e ka mbyllur ndeshjen me 10 lojtarë pas kartonit të dytë të verdhë të marrë nga Kovacic në minutën e 73-të.

Ky ka qenë triumfi i 14 i Arsenal-it në Kupën e Anglisë. Asnjë skuadër tjetër nuk e ka fituar këtë kompeticion më shumë se Topçinjtë.