Aneta Rama u nda nga jeta, Edi dhe Olsi mesazh miqve: Na mirëkuptoni, nuk mund të presim ngushëllime

Është ndarë sot nga jeta në moshën 82 vjeçare, e ëma e Kryeministrit Edi Rama, Aneta Rama.

Kryeministri Edi Rama dhe vëllai i tij, Olsi, si dhe familjarë të tjerë, u kanë kërkuar mirëkuptim të gjithë të afërmve e miqve, për pamundësinë e pritjes së ngushëllimeve e të ceremonisë së përcjelljes së nënës së tyre në banesën e fundit, në kushtet e detyrimit për të respektuar rregullat e mbrojtjes së shëndetit të gjithësecilit.

“Përulësisht u lutemi familjarisht mirëkuptim të gjithë të afërmve e miqve të mirë, për pamundësinë e pritjes së ngushëllimeve e të ceremonisë së përcjelljes së nënës sonë në banesën e fundit, në kushtet e detyrimit për të respektuar rregullat e mbrojtjes së shëndetit të gjithësecilit.

LEXO EDHE  100 dashnore dhe tonelata me para/ Njihuni me zyrtarin më të korruptuar të Kinës

I falenderojmë të gjithë për mesazhet prekëse që vazhdojnë ta na vijnë për humbjen e nënës sonë të shtrenjtë dhe e vlerësojmë shumë respektin e mirëkuptimin e kujtdo që do të donte të ishte edhe fizikisht pranë nesh në këtë ditë të vështirë.

Edi dhe Olsi Rama” thuhet në mesazhin dërguar miqve dhe të afërmve .