Aneta Rama ndahet nga jeta, mesazhi prekës i Gregut: Këshillat e tua më të vyera

Aneta Rama është ndarë nga jeta në moshën 82-vjeçare. Lajmin e dha kryeministri Rama me anë të një postimi në rrjetin social.

“Ishe drita dhe guri këndor i shtëpisë ku u rritëm e u bëmë burra, e ku mbetëm gjithnjë fëmijë. E di, që deri sa të shoh dot diellin e yjet do të jesh me mua, e bukur dhe e fortë si askush.

Do të na mungosh shumë, por asgjë më shumë nuk bëje dot për ne sesa e pamundura, që bëre plot përkushtim gjithë jetën, prandaj prehu në paqe mam🙏”, shkroi Rama.

LEXO EDHE  Rëndohet situata në Kakavijë, vargu i automjeteve kalon 21 km

Për këtë lajm të trishtë ka reaguar edhe nipi i saj, Greg Rama.

Bashkë me një foto ku shfaqen bashkë, Gregu shkruan: “këshillat e tua më të vyera, batutat dhe çdo përpjekje e jotja për të luftuar dhe tejkaluar çdo vështirësi dhe betejë do jenë të paharrueshme tek unë! U prehsh në paqe💫”