Florian Lamçe humbi jetën pas një sherri të ndodhur në orët e para të mëngjesit të djeshëm në Elbsan.
Policia tha se kishte shoqëruar dy persona, njëri prej të cilëve, Sokol Sanxhaktari, dhëndrri i ish-Kryebashkiakut të Elbasanit, Qazim Sejdini.
Mediat kanë zbardhur dëshminë e Sanxhaktarit, dhënë për policinë, lidhur me ngjarjen.
“Florin e kam shok. U takuam pasdite dhe kemi qenë në disa lokale. Në darkë u ulëm me Ardianon dhe me Florianin tek lokal piazza dhe kemi pirë shume pije te ndryshme. Nuk e kujtoj as si nisi debati dhe as pse më qëlloi dhe e qëllova. Jam i shokuar. Nuk e di si ka ndodhur. Ne jemi miq.”, mësohet se ka thënë ai.
