Në seancën e sotme plenare po votohet mbi ndryshimet Kushtetuese, të dakordësuara nga Kryeministri Edi Rama dhe ajo që njhet si “opozita parlamentare”.
Ndryshimet Kushtetuese duhet të marrin 94 vota që të miratohen.
Por deputeti Halit Valteri tha gjatë seancës se një deputete ka votuar pesë herë dhe për këtë arsye tërhoqi vëmendjen, ndërsa kërkoi që kjo situatë të verifikohej.
Valteri theksoi se vota është individuale dhe duhet të merren masa menjëherë.
“Një deputete ka votuar 5 fletë votimi. Ju lutem merrni masa sepse vota është individuale”, tha Valteri.
Ndërkohë kryetari i Kuvendit Gramoz Ruçi u shpreh se vërejtja e deputetit Valteri është e drejtë, ndërsa shtoi se deputetja emri i së cilës nuk është bërë i ditur është shprehur se ka votuar vetëm njëherë dhe se ka përcjellë në kutitë e votimit fletët e votimit të deputetëve të tjerë.
Gjithashtu Ruçi bëri me dije se kjo situatë mbetet për tu verifikuar.
Ruçi: Vërejtja është e drejtë, deputetja ka thënë se ka votuar vetëm një herë dhe ka përcjellë në kutitë e votimit fletët e deputetëve të tjerë dhe mbetet për tu verifikuar.
DENONCO