SHBA, coronavirusi i merr jetën ish-kandidatit për president

Herman Cain, ish-kandidat presidencial ka ndërruar sot jetë për shkak të coronavirusit.  Cain ishte i shtruar në spital nga 1 korriku, dy javë pasi kishte marrë pjesë në konventën e Trump në Tulsa të Oklahomës, që u kritikua gjerësisht si i rrezikshëm në një kohë pandemie.

74-vjeçari ishte një sipërmarrës i suksesshëm dhe një nga mbështetësit më të mëdhenj në komunitetin afro-amerikan të presidentit Donald Trump, aq sa ishte propozuar nga presidenti Trump në bordin e Federal Reserve disa kohë më parë, por pa sukses.

Në vitin 2012, Cain ishte kandiduar për zgjedhjet presidenciale, si eksponent i rëndësishëm i rrymës konservatore të Tea Party, dhe mbahet mend për sloganin e tij “9-9-9”, planin ekonomik që parashikonte një seri taksash të sheshta me 9%.

LEXO EDHE  Merret vendimi! Zyrtarët e FDA mbështesin Pfizer për fëmijët mbi 5 vjeç

Presidenti Trump kujtoi mikun e tij duke e cilësuar si “një zë i fuqishëm i lirisë, me një karrierë të jashtëzakonshme, një patriot i vërtetë”.