Bajram Jashanica mbylli vitin e tij të 7-të si futbollist i Skënderbeut. Një periudhë që ka njohur rritje profesionale, por edhe në thonjëza “grushta” për atë dënim nga UEFA për përdorim të substancave të ndaluara, jo për fajin e tij. Tashmë e ardhmja është ende një mister edhe pse lojtari nuk e fsheh dëshirën për të qëndruar e për të gjetur gjuhën e përbashkët me presidentin Takaj, megjithëse gjithçka varet nga vendimi i gjykatës federale zvicerane.
Për momentin 29-vjeçari është një lojtar i lirë dhe kërkon mirëkuptimin e drejtuesve të Skënderbeut, nëse kushet e detyrojnë të nënshkruajë për një skuadër tjetër. Së fundmi sipas burimeve të Supersport është Partizani që kërkon të nënshkruajë me qendërmbrojtësin.
Përpara se të dënohej ishte pranë kalimit në një kampionat më të fortë se ai shqiptar, një nga ambiciet që ka aktualisht Jashanica është transferimi në një ligë më të mirë se Kategoria Superiore.
