Tjetër vrasje ka tronditur Elbasanin gjatë orëve të para të mëngjesit të sotëm.
Florian Lamçe ka humbur jetën në spital si pasojë e plagëve të marra pas një konflikti me dy persona të tjerë.
Ngjarja ka ndodhur disa orë pas vrasjes me thikë të 23-vjeçarit, Rigers Runaj.
Nga të dhënat paraprake mësohet se edhe personat të cilat janë konfliktuar me të, kanë mbetur të lënduar. Lamçe njihet si person me precedentë penalë.
Mësohet se Lamçe është vrarë në qendër të qytetit, në afërsi të muzeut Etnografik. Ngjarja mësohet se ka ndodhur rreth orë 04:00 të mëngjesit.
Viktima, po ashtu bëhet me dije, se ka qenë duke qëndruar në ambientet e jashtme të lokalit dhe se lokali ka qenë i mbyllur në atë orar kur ka ndodhur ngjarja.
Sipas policisë bëhet me dije se në momentin e konfliktit viktima dhe të plagosurit kanë qenë në gjendje të dehur.
Elbasan/ Informacion paraprak
Në orët të para të mëngjesit, në lagjen ” Luigj Gurakuqi”, Elbasan, në gjendje të dehur janë konfliktuar duke u dëmtuar me njëri-tjetrin me shishe dhe sende të forta shtetasit A.H., 42 vjeç, S.S., 34 vjeç, dhe F.L., rreth 40 vjeç, banues në Elbasan.
Shtetasi F.L., si pasojë e plagëve të marra ka ndërruar jetë në spital.
Ndërsa dy shtetasit e tjerë të perfshirë në këtë konflikt kanë marrë plagë të lehta dhe janë shoqëruar në Komisariatin e Policisë Elbasan, për sqarimin e rrethanave të ngjarjes.
Grupi hetimor vijon punën pēr zbardhjen dhe dokumentimin e plotë të ngjarjes.
