Në burgun e Zaharisë janë konfirmuar katër persona pozitivë për koronavirusin.
Nga raportimet mësohet se janë 4 persona që kanë shfaqur shenjat dhe pas testeve janë konfirmuar pozitivë. Dy prej të prekurve janë mbi 60 vjeç dhe janë transferuar në spitalin e burgut. Ndërsa dy të tjerët janë moshë e re dhe janë vendosur në dhoma të veçanta, por në një tjetër burg.
Nuk dihet si mund të jenë infektuar, por dyshimet janë se janë kontakte të personave të afërt që më parë mund të kenë shfaqur shenjat e Covid-19, ose janë infektuar në sallat e gjyqeve.
