Pjesa e dytë e ndeshjes mes Luftëtarit dhe Kukësit po dhuron surpriza të njëpasnjëshme.
Plot pesë gola të shënuar dhe mes tyre edhe dy kartona të kuq nga një për secilën skuadër.
Pjesa e parë u mbyllë 0-2 në favor të verilindorëve por vendasit kanë barazuar gjithcka me anë të Gresil Likës dhe Haxhiu përkatësisht në minutat 47’ dhe 50’.
Ndërkohë në minutën e 54-t arbitri i ndeshjes akordoi dy kartonë të kuq. Alinani ndërhyn në mënyrë të parregullt në mesfushë ndaj Limajt ndërsa ky i fundit rrëzohet, e më pas çohet dhe i kërkon llogari kundërshtarit.
Ndërkohë në minutat në vazhdim Kukësi do të dominonte gjithcka. Verilindorët kaluan në avantazh për herë të dytë në minutën e 59-të. Rroca niset bukur nga mesfusha dhe shërben te Shkurtaj, që lihet krejtësisht i lirë nga mbrojtësit Demo e Puci dhe i vetëm me Bashën nuk e ka të vështirë të shënojë.
Kukësi shënoi edhe dy herë të tjera me anë të Domit dhe Abazaj-t në minutat 71 dhe 78.
Skuadra verilindore tashmë shkon drejt fitores së sigurt duke e mbyllur sezonin në mënyrë pozitive.
